"Суға түсу қауіпсіздігі"
Ауа-райының ыстығына байланысты Жосалы кентінің тұрғындары су айдындарына демалуға белсенді шығуда. Әлбетте олар бірінші кезекте судағы қауіпсіздікті еш ескермейді. Осыған байланысты Қармақшы ауданы ТЖБ мен 5 өрт сөндіру бөлімі және аудандық Полиция бөлімінің қызметкерлерімен Сырдария өзенінің бойына күнделікті рейд жүргізуде.
Бұл күнделікті жүргізіліп жүрген рейдтің мақсаты азаматтардың судағы ережелерді сақтауын бақылау болып табылады.
Рейд жүргізу барысында барлық демалушыларға судағы қарапайым қауіпсіздікті, өрт қауіпсіздігін сақтау жөнінде жадынамалар таратылды. Алдын алу іс-шаралары суға түсу кезеңі аяқталғанша әлі де жалғастырылады.
