МЕДИЦИНАЛЫҚ КӨМЕК КӨРСЕТІЛДІ
«Нұр Отан» партиясы Қармақшы аудандық филиалы және «Жас Отан» Жастар қанатының ұйымдастыруымен «Ардагерлерді ардақтайық» партиялық жобасы аясында Ұлы Отан соғысы және тыл ардагерлеріне медициналық көмек көрсетілді. Шараға «Нұр Отан» партиясы Қармақшы аудандық филиалының есепке тіркеу және статистика секторының меңгерушісі Гүлзат Жалелова, филиалдың сарапшысы Динара Пірназарова, «Жас Отан» Жастар қанаты аудандық бөлімшесінің төрағасы Нұржан Оңдашов, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің сектор меңгерушісі Ербол Біләлов және амбулаториялық – емханалық қызметі бар Қармақшы аудандық орталық ауруханасының медициналық қызметкері НұрболЗиадинұлы қатысты. Шара барысында Ұлы Отан соғысының ардагері Қуанышбай Бисенбаев, тыл ардагерлері Тайсия Петровна, Юрий Николаевич, Нина Антоновна, Александр Михайлович, Рабья Хасанова және ӘлимашЖылгелдиеваның үйіне барып әлеуметтік жағдайларымен танысып, медициналық көмек көрсетілді.
