«Нұр Отан» партиясы Қармақшы аудандық филиалының қатысуымен «Сырдария» бастауыш партия ұйымына қарасты «ЦОН» топтық ұйымында, 2018 жылғы 5 қазандағы Мемлекет басшысы Н.Ә.Назарбаевтың «Қазақстандықтардың әл-ауқатынның өсуі: табыс пен тұрмыс сапасын арттыру» атты Қазақстан Республикасының халқына жыл сайынғы кезекті жолдауын түсіндіру мақсатында семинар өткізілді. Аталған семинарға «Нұр Отан» партиясы Қармақшы аудандық филиалының есепке тіркеу және статистика секторының меңгерушісі Жалелова Гүлзат Арыстанбекқызы, филиалдың сарапшысы Пірназарова Динара Бахытбекқызы және Қармақшы аудандық бөлімінің басшысы Сағатов Амир Қуандықұлы, бөлім басшысының орынбасары Оспанов Ерлан Рахымұлы, «Азаматтарға арналған үкімет» мемлекеттік корпорациясы» коммерциялық емес акционерлік қоғамының Қызылорда облыстық филиалы HR дамыту жән СМЖ басқармасының Қармақшы ауданы бойынша HR-менеджері Қожахметов Қалилулла Нағыметұлы және мамандары қатысты.
Семинар барысында, аудандық партия филиалының сектор меңгерушісі Гүлзат Арыстанбекқызы және Халыққа қызмет көрсету орталығының басшысы Амир Қуандықұлы жолдауда айтылған бірқатар басымдықтарға тоқталып өтті. Семинар соңында қатысушылар жолдауға байланысты өз ойларын айтып, пікірлерін білдірді.