АНАЛАРҒА ҚҰРМЕТ КӨРСЕТТІ
Жуырда Байқоңыр қаласында «Нұр Отан» партиясының «Кедергісіз келешек» партиялық жобасы аясында ерекше қажеттілігі бар балаларды тәрбиелеп отырған аналарға құрмет көрсетілді.
Шараға «Нұр Отан» партиясы Байқоңыр филиалы төрағасының бірінші орынбасары Б.Бекпанов, Қармақшы аудандық мәслихат депутаты Ғ.Ұзақбаев, аудандық жұмыспен қамту және әлеуметтік бағдарламалар бөлімінің сектор меңгерушісі Қ.Мүсіркегенов, «Байқоңыр қаласы бойынша халықты жұмыспен қамту орталығы» КММ директоры Б.Жанаев және Ақай ауылдық клуб үйінің директоры Б.Нұрмағанбетов қатысып, аналар қауымына мерекелік жылы лебізін білдірді.
