«Адам көркі шүберек» деп жатамыз. Иә, расында да өзіне жарасымды, ерекше киім киген адам қайсыбір ортада болмасын адам көзіне бірден түсері сөзсіз. Біз сәнді, заманауи үлгідегі киімдерді іздеп жүріп аламыз. Таба алмаған жағдайдың өзінде тігіншінің көмегіне жүгінеміз. Талғампаз тұтынушылардың көңілінен шығып жүрген жас тігінші қыз Дархан да қыз-келіншектердің әдемі көйлектері мен бүлдіршіндердің киімін тігіп ұсынуда. Қызылорда облысында Қазақ гуманитарлық заң колледжінде "Тігін өндірісі және киімді үлгілеу" мамандығында білім алған ол  былтыр "ZhasProject" жобасы аясында 1 млн. теңге көлемінде грант ұтып алды. Бүгінде қызының есіміне арнап «Ақнар» тігін шеберханасын ашып ары қарай кәсібін жалғастырып келеді.