МАҚТАНЫШ СЕЗІМІН ҰЯЛАТАДЫ
Мемлекет басшысы «Ұлы даланың жеті қыры» тақырыбында мақала жариялады. Құжат – көптің көңілінен шығарына сенімім мол. Себебі, онда халқымыздың сан ғасырлық тарихы мен ұлттық құндылығы тереңнен зерделенеді. Тәуелсіздік жылдарында көптеген ақтаңдақтарымыз ортамызға қайта оралып, жәдігерлеріміз жаңғыра түсті. Бұл тұрғыда «Мәдени мұра» мемлекеттік бағдарламасы көп жұмыс істеді. Десе де, мұндай үлкен істерді бір жылға сыйдыру әлбетте, мүмкін емес. Осы ретте, Елбасы ата-бабамыздың өмірі мен олардың керемет өркениеті жайындағы мәліметтер, деректі құжаттар әлі де болса ғылыми айналымға түспегенін айта келе алда «Архив – 2025» жеті жылдық бағдарламасын жасау керектігіне жіті мән береді. Ұлт көшбасшысы тиісті орындарға архив деректерін халыққа қолжетімді болуы үшін оларды цифрлық форматқа көшіруді тапсырды. Сонымен қатар, мектептер мен өңірлерде өлкетану музейлерінің жанынан тарихи-археологиялық қозғалыстар құру маңызды екенін де назарға салды. Ауқымды жұмыстар – халқымызға серпін берумен бірге, жас ұрпақтың Отанға, өз тарихына деген мақтаныш сезімін ұялатары сөзсіз. Гүлзира ЕРКЕБАЕВА,
№250 мектеп-лицей директоры.
