Қылмыстық іс тоқтатылды

Қармақшы аудандық сотында Қазақстан Республикасы Қылмыстық Кодексінің 188- бабының 1- бөлігімен сотталушы Б-ға қатысты қылмыстық іс қаралды.

Сотталушы Б. №377 «Алматы - Манғышылақ» бағытында қатынайтын жолаушылар поезында келе жатып, ойына бөтеннің мүлкін ұрлау ниеті пайда болып, жәбірленуші А.-ның құны 90 000 теңге тұратын «Samsung А-3» үлгісіндегі ұялы телефонын жасырын жымқырып кеткен.
Сотталушы Б. сот талқылауында кінәсін толық мойындап, жәбірленуші А.-ға келген материалдық зиянды қалпына келтіргенін, онымен татуласқандықтан істі қысқартып, жауаптылықтан босатуды сұраған.
Жәбірленуші де сотталушыға кешірім беретінін, материалдық зиянды қалпына келтіргенін айтты.
Сот қаулысымен сотталушы қылмыстық жауаптылықтан босатылып, Қазақстан Республикасының ҚК-нің 68-бабының 1-бөлігі сай жәбірленуші мен айыпталушы татуласып, келтірілген зиян толық өтелуіне байланысты қылмыстық іс тоқтатылды.

Қаулы заңды күшіне енген.
Қайнар: Қармақшы аудандық сотының баспасөз қызметі

Қоғам

14 қараша 2018 ж. 1 470 0