Сотталушы М., бөтеннің мүлкін ұсақ-түйек жымқыру мақсатында, Төретам кенті, Жанқожа батыр көшесінде орналасқан «Sulpak» сауда орталығынан жалпы құны 14 990 теңге тұратын 1 дана «Polaris PHB-0860A» маркалы блендерді жасырын ұрлаған.
Басты сот талқылауында судья тараптарға Қылмыстық кодекстің 68-бабының 1-бөлігіне сәйкес, қылмыстық теріс қылық немесе қазаға ұшыратумен байланысты емес онша ауыр емес немесе ауырлығы орташа қылмыс жасаған адам, егер ол жәбірленушімен, арыз берушімен татуласса, оның ішінде медиация тәртібімен татуласса және келтiрiлген зиянды қалпына келтірсе, қылмыстық жауаптылықтан босатылуға жататындығын түсіндіріп өтті. Медиацияны қолдануға жәрдемдесу қылмыстық сот ісін жүргізу міндеттерінің бірі болып табылады.
Нәтижесінде сотталушы істеген іс-әрекетіне өкініп, жәбірленуші өкілінен кешірім сұрап, келтірілген шығынды толығымен өтеген, өз кезегінде жәбірленушінің өкілі кешірімді қабыл алып, тараптар өзара медиация тәртібімен татуласты.
Сот қаулысы заңды күшіне енген.