Халық сеніміне селкеу түспеуі тиіс
Жуырда «Нұр Отан» партиясы Қармақшы аудандық филиалының ұйымдастыруымен «Қармақшы орман шаруашылығы және жануарлар дүниесін қорғау жөніндегі» КММ және аудандық кәсіпкерлік палатасында «Жолда қабылдау» республикалық акциясы өтті.
Акцияда «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Дастан Буханов, аудандық ішкі істер бөлімі ӘПБ-нің инспекторы, полиция капитаны Біржан Әбдиев, сонымен бірге аудандық Әділет басқармасының маманы Гүлназ Ағисова, мен аудандық жұмыспен қамту орталығының маманы Арман Ноғаев мемлекет басшысы Н.Назарбаевтың Қазақстан халқына арнаған «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауында мақсатталған басымдықтарды түсіндіріп, Жолдау бойынша өз ойларын саралап, пікірімен бөлісті. Сонымен қатар, тұрғындарға құқықтық көмек көрсету, азаматтық қоғамының ішкі құрылымында саяси белсенділікті қалыптастыру, құқық қорғау органдарының және өзге де мемлекеттік құрылымдарға, сондай-ақ, әкімшілік полициясының қызметіне тұрғындардың сенімін арттыру және азаматтардың жеке мәселелері бойынша түсіндірме жұмысын жүргізіп, заң аясында кеңесін берді."ҚТ" ақпарат.
