«Нұр Отан» партиясы Қармақшы аудандық филиалының ұйымдастыруымен «Қармақшы орман шаруашылығы және жануарлар дүниесін қорғау жөніндегі» КММ және аудандық кәсіпкерлік палатасында «Жолда қабылдау» республикалық акциясы өткізілді. Акцияға «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан, Қармақшы аудандық Ішкі істер бөлімі ӘПБ-нің инспекторы, полиция капитаны Абдиев Біржан, Қармақшы аудандық Әділет басқармасының маманы Агисова Гүлназ, жұмыспен қамту орталығының маманы Ноғаев Арман және БАҚ өкілдері қатысты. Акция барысында бірлескен топ тұрғындарға құқықтық көмек көрсету, азаматтық қоғамының ішкі құрылымында саяси белсенділікті қалыптастыру, құқық қорғау органдарының және өзге де мемлекеттік құрылымдарға, сондай-ақ, әкімшілік полициясының қызметіне тұрғындардың сенімін арттыру және азаматтарды жеке мәселелері бойынша тұрғындар арасында түсірдірме жұмыстарын жүргізіп заң аясында кеңестерін берді.