«ЕЛБАСЫ КЕТІП ҚАЛДЫ МА?»
«Балалы үй – базар», – дейді қазекем. Дастарқан басында жаңалық айта отыратын әдетіміз ғой.
Әңгіме үстінде жақында Елбасы Қорқыт атаның басына зиярат етіп кетті, – дегенім сол еді, бес жасар қызым: «Елбасы Қорқыт атаға келіп кетті ме, неге маған айтпадыңыздар, – деп бұртимасы бар ма? Әкесі екеуміз бір-бірімізге қарап қалдық. Оған қалай түсіндірерімізді білмедік.Содан соң барып есімізге түсті. Бірер ай бұрынырақ өңірге Елбасы келеді екен дегенді естіген Айым: «Нұрсұлтан атаны үйге қонаққа шақырайықшы» деген еді өтініп. Баланың көңілін қимаған біз: «Иә» деп қалған едік. Енді міне, баламыздан «алдадыңыздар» дегенді жиі еститін болдық.
Сәрсенкүл ЖАУДАТБЕК,
«Қармақшы таңы».
