Жуырда Қазақстан Республикасы Парламенті сенатор мәслихат жұмысымен танысты

Сенатор Б.Еламанов туған жерге сапары барысында аудандық мәслихат депутаттарымен кездесіп, онда ҚР Парламенті Сенаты отырыстарында өткен жылы атқарылған жұмыстарды, оның ішінде ҚР Конституциясы мен Заңдарға енгізілген толықтырулар мен өзгерістер, сонымен бірге Елбасының жақында ғана «Егемен Қазақстан» газетіне жарияланған дәстүрлі Жолдауындағы Қазақстан халқының әлеуетін арттыруға арналған басымдықтар, нақтырақ айтқанда 10 міндетпен таныстырды.

– Елбасы Жолдауы біздің жарқын болашағымыздың кепілі, онда айқындалған мақсат-міндеттердің барлығы да ел ертеңіне арналған. Жолдауда еліміздің әлемдегі экономикасы ең озық елдер қатарына қосылуына нақтыланған мүмкіндіктер жасайтын 10 өзекті міндет белгіленіп берілді. Онда бүгін атқарылатын жұмыстар, ертең бағындырылатын белестер жан-жақты таразыланған. Адамзат тың жаңа өнеркәсіптік революцияға аяқ басқаны өмір шындығы. Бұл жетістікке біз Елбасының сара саясатының арқасында қол жеткізіп отырмыз, – деді сенатор.

Кездесу барысында аудандық мәслихат депутаттары Марат Наятұлы, Алмасбек Қаржаубаев, Күлжауһар Раева, Бақытжан Нысанбаев, Дастан Бухановтар өздерінің көкейлерінде жүрген ұсыныс-пікірлерін зерделеп, ойларын сараптады.