Жуырда Қазақстан Республикасы Парламенті Мәжілісінің депутаттары Бақтықожа Ізмұхамбетов, Абай Тасболатов, Ерман Мұхтар ауданымызда өткізген жұмыс сапарында «Нұр отан» партиясы Қызылорда облыстық филиалы төрағасының бірінші орынбасары, облыстық мәслихат депутаты Ибадулла Құттықожаевтың бастауымен Байқоңыр қаласында болып, қаланың тыныс-тіршілігімен танысты.

Халық қалаулылары қаланың көрікті жерлерін аралап, ғарыш айлағының музейінде болды.

Қадірменді меймандар музейде қаланың өсіп-өркендеуіне сүбелі үлестерін қосқан дара тұлғалар мен қала тарихын әспеттейтін құнды экспонаттарды тамашалады.

Шара барысында «Нұр Отан» партиясы қалалық филиалы төрағасының бірінші орынбасары Әнуарбек Дәуленбаев қонақтарға Байқоңырдың тарихы туралы жазылған кітаптар табыстады.