«Заң және тәртіп» қағидаты аясында түсіндірме жұмыстары жүргізілді

Ү.Томанов атындағы №183 орта мектебінде жоғары сынып оқушыларының арасында құқық бұзушылықтың алдын алу мақсатында арнайы түсіндірме жұмыстары ұйымдастырылды. Кездесуге аудандық полиция бөлімі қызметкері, аудандық Жастар орталығының кеңесшісі, аудандық әйелдер кеңесі төрайымы және ата-аналар комитетінің төрағасы, мектеп директоры қатысты.

Кездесу барысында:

Лудоманияның (құмар ойындарға тәуелділіктің) зияны, оның адам өміріне, оқуына және болашағына тигізетін кері әсері;

Алаяқтықтың түрлері, әсіресе интернет-алаяқтық, жалған уәделер мен тез байып кету жолдарының қауіптілігі;

Құқық бұзушылықтың салдары, заң алдындағы жауапкершілік және жеке жауапкершілік туралы жан-жақты мәліметтер берілді.

Сонымен қатар, оқушыларға заңды сақтау, адал еңбек ету, дұрыс таңдау жасау арқылы жарқын болашаққа қадам басу керектігі түсіндірілді

Кездесу ашық форматта өтіп, оқушылар өздерін толғандырған сұрақтарына нақты жауаптар алды

Мақсат — жасөспірімдер арасында құқықтық сауаттылықты арттыру, теріс әрекеттердің алдын алу және саналы, жауапты ұрпақ тәрбиелеу.