ҚҰҚЫҚТЫҚ САУАТ – ҚАУІПСІЗ ҚОҒАМНЫҢ НЕГІЗІ

«Заң және тәртіп» қағидатын іске асыру, жасөспірімдер арасында құқық бұзушылықтың алдын алу және құқықтық мәдениетті қалыптастыру мақсатында №121 орта мектеп базасында «Жасөспірімдер арасында құқық бұзушылықтың алдын алу және қауіпсіз мінез-құлық мәдениетін қалыптастыру» тақырыбында профилактикалық кездесу өткізілді.

Кездесуге аудан прокуратурасының прокуроры Сәду Әділет Сағымбекұлы, аудандық ата-аналар комитетінің төрағасы Мағауия Әлиев, Қармақшы аудандық білім бөлімінің әдіскері Ақтолқын Тоқшылықова қатысты.

Кездесу барысында оқушыларға:

құқық бұзушылықтың алдын алу;

заң алдындағы жауапкершілік;

қоғамдық тәртіпті сақтау;

буллинг пен кибербуллингтің алдын алу;

интернеттегі қауіпсіздік;

қауіпсіз мінез-құлық қағидалары бойынша түсіндірме жұмыстары жүргізілді.

Мамандар жасөспірімдерге өз құқықтары мен міндеттерін білу, заң талаптарын сақтау, қоғамдық ортада тәртіп пен әдеп нормаларын ұстану және әрбір іс-әрекетіне жауапкершілікпен қараудың маңыздылығын атап өтті.

Іс-шара барысында оқушылар түрлі жағдаяттарды талдап, құқық бұзушылықтың алдын алу жолдарын қарастырды. Белсенді пікір алмасып, өз ойларын ортаға салып, кері байланыс берді.

Қауіпсіз орта қалыптастыру – баршамызға ортақ міндет!