ҚҰҚЫҚ БҰЗУШЫЛЫҚТЫҢ АЛДЫН АЛУ – ОРТАҚ МІНДЕТ
Т.Көмекбаев атындағы №250 мектеп-лицейінің педагог қызметкерлері оқушылардың қауіпсіздігін қамтамасыз ету, құқық бұзушылықтың және түрлі келеңсіз жағдайлардың алдын алу мақсатында кешкі рейдтік жұмыстар жүргізілуде
Рейд барысында мектеп аумағы мен елді мекендегі жастар көп жиналатын орындар бақылауға алынып, жасөспірімдерге қауіпсіздік ережелері мен құқықтық жауапкершілік туралы түсіндіру жұмыстары жүргізілді. Сонымен қатар, ата-аналарға балалардың бос уақытын тиімді ұйымдастыру және олардың қауіпсіздігіне жауапкершілікпен қарау қажеттігі ескертілді.
Негізгі мақсат – кәмелетке толмағандар арасындағы құқық бұзушылықтың алдын алу, оқушылардың қауіпсіздігін қамтамасыз ету және олардың бос уақытын тиімді ұйымдастыруға ықпал ету.
Бала қауіпсіздігі – әрбір ата-ана мен қоғамның ортақ жауапкершілігі.
Бұл бағыттағы профилактикалық жұмыстар алдағы уақытта да өз жалғасын табады.
