Білім саласының азаматтарына құрмет көрсетілді

Қармақшы аудандық білім бөлімі мен аудандық білім қызметкерлері кәсіподақ комитетінің ұйымдастырумен Отан қорғаушылар күніне орай білім беру мекемелерінің ер азаматтарына арналған мерекелік шара өткізілді.

Бұл мереке - елін, жерін, туған Отанын қорғауға әрдайым дайын, ерлік пен батырлықтың, мәрттіктің символына айналған азаматтарға арналған құрмет күні ретінде аталып өтуде.

Салтанатты шарада аудандық білім бөлімінің басшысы Жәнібеков Берік Съездұлы жас ұрпаққа сапалы білім, саналы тәрбие беруде аянбай еңбек етіп, өз жұмысын жауапкершілікпен атқарып жүрген білім саласының қызметкерлерін бүгінгі мерекемен құттықтап, құрмет көрсетті. Сондай- ақ, аудандық білім қызметкерлері кәсіподақ комитетінің сыйлықтары табыс етілді.