Аудан әкімі Жандос Еркінбектің Отан қорғаушылар күнімен құттықтауы

ҚҰРМЕТТІ ЖЕРЛЕСТЕР!

Сіздерді 7 мамыр – Отан қорғаушылар күнімен шын жүректен құттықтаймын!

Отан алдындағы борышын абыроймен атқарып жүрген барлық ер-азаматтар – еліміздің мақтанышы. Сондықтан бұл мағыналы мереке – мемлекетіміздің қауіпсіздігі мен тәуелсіздігін қорғап жүрген азаматтарға көрсетілер үлкен құрметтің белгісі.

Осы ретте Мемлекет басшысы Қасым-Жомарт Тоқаев: «Біз Отанға қалтқысыз қызмет ету қағидатын және Конституцияда айқындалған мызғымас құндылықтарды негізге ала отырып, сан ғасырлық тарихы бар мемлекеттілігіміздің тұғырын нығайта түсеміз, биік мақсат-мұратымызға жетіп, Әділетті, Күшті, Қауіпсіз Қазақстанды құрамыз. Мен бұған кәміл сенемін»,- деп атап өтті.

Бүгінде Қазақстан Республикасының Қарулы Күштерінің сарбаздары бұл қызметті жоғары абыроймен жалғастырып келеді.Құрылғанына 34 жыл толған Қарулы Күштеріміз Тәуелсіздігіміздің сенімді тірегіне айналды. Сондай-ақ ел қорғаны болар азаматтарды тәрбиелеп отырған ата-аналарға да алғысым шексіз!

Құрметті аудан тұрғындары!

Баршаңызды тағы да батырлық пен ерліктің мерекесі болған - Отан қорғаушылар күнімен шын жүректен құттықтаймын!

Тәуелсіздік алған алғашқы жылдары еліміздің шекарасын айқындап, іргемізді бекіттік. Сол шекарамыздың бекемдігі, аспанымыздың ашық болуы, ел бақытының баянды болуы - Отан қорғаушылар қолында. Осы міндетті мінсіз атқарып келе жатқан Қарулы Күштер - қоғамдағы татулық пен келісімнің негізі болады деп сенемін!

Ержүрек ерлеріміздің бұл мерекесі елімізге әрдайым қуаныш пен береке әкелсін. Аспанымыз ашық, бейбіт өміріміз баянды болсын!