№80 мектеп-гимназия жанынан ашылған «Қарлығаш» жазғы тынығу лагерінде онда тынығушылар демалысын көңілді өткізді. Мектеп медбикесі жас жеткіншектердің денсаулықтарын тексеріп, сауықтыру іс-шарасын өткізді. «Бала күлкіге тоймас» дегендей, балалар демалыстарын ән мен күлкіге тойдырып, түрлі танымдық шаралар мен спорттық ойындарға қатысты. Бір мезгі балдырғандар сурет салып, тақпақ жаттап, ән салса, «Джунгли шақырады», «Лагерь аруы-2018», «Лагерь сұлтаны-2018», «Қиял теңізіне саяхат» сынды сайыстарына оқушылар қызығушылықпен қатысты. Сонымен бірге, әдеп туралы әңгіме, әсемдік жайлы мақал-мәтелдер жарысы өтті. Балалардың демалысын қызықты өтуіне үлес қосқан тәрбиешілердің де еңбегі ерекше.