АЖЫРАСУДЫҢ АЛДЫН АЛУ – САНАЛЫ ҚАДАМ
Соңғы жылдары отбасылық келіспеушіліктер мен ажырасу жағдайлары көбейіп келеді. Алайда кез келген дағдарыс – шешімі жоқ мәселе емес. Көп жағдайда түсініспеушілік уақытылы сөйлеспеуден, эмоцияны басқара алмаудан және бір-бірін тыңдамаудан туындайды.
Отбасын қолдау орталығының мамандары ажырасудың алдын алуға бағытталған кеңестер мен терапиялық кездесулер өткізеді. Ерлізайыптыларға өз сезімдерін ашық жеткізуге, бір-бірін айыптамай тыңдауға және ортақ шешім табуға көмектеседі.
Дағдарыс – қарым-қатынастың соңы емес, жаңа кезеңнің басталуы болуы мүмкін. Ең бастысы – мәселені ушықтырмай, дер кезінде көмекке жүгіну. Психологқа бару – әлсіздік емес, отбасыны сақтауға жасалған жауапты қадам.
Бала үшін ең қауіпсіз орта – ата-анасының татулығы. Сондықтан отбасының бірлігін сақтау – әр ата-ананың ортақ міндеті.
Отбасы – тек екі адамның емес, тұтас болашақтың тағдыры. Осындай дағдарыс жағдайлары орын алғанда үнсіз қалмай, кәсіби көмекке жүгінуге шақырамыз. Отбасын қолдау орталығында психолог маман сіздерге құпиялық сақтай отырып, жан-жақты қолдау көрсетеді. Мекен-жайымыз: Көшербаев көшесі, 44В. Байланыс телефоны: 4-00-23. Сіз жалғыз емессіз. Әр мәселенің шешімі бар.
Н.САЙЛАУОВА,
«Отбасын қолдау орталығы» КММ психологі
