ЖОСАЛЫ КЕНТІНДЕГІ РУХАНИЯТ ОРТАЛЫҒЫ МЕН СПОРТ КЕШЕНІНІҢ ЖҰМЫСЫ ПЫСЫҚТАЛДЫ
Бүгін "AMANAT" партиясы Қармақшы аудандық филиалының Атқарушы хатшысы ғалымжан Ақжігітов, аудан әкімі аппаратының басшысы Ермек Сәтбаев, аудан әкімі аппаратының ұйымдастыру және инспекторлық жұмыс бөлімінің басшысы Дәуіржан Бисембаев, партия филиалының партиялық бақылау комиссиясының мүшелері және тиісті облыстық, аудандық сала өкілдері партияның Сайлауалды бағдарламасы аясында салынған "Руханият орталығы мен дене шынықтыру-сауықтыру кешенінің жұмысымен танысты.
Зерделеу жұмыстары барысында екі ғимараттың материалдық-техникалық базасы, жылу жүйесінің тұрақты жұмыс істеуі, қауіпсіздік талаптарының сақталуы, үйірмелердің ұйымдастырылу деңгейі және тұрғындар мен жастардың қамтылу көрсеткіштері жан-жақты сараланды.
Штаттық құрылымы және құрал-жабдықтардың тиімді пайдаланылуы да назардан тыс қалған жоқ.
Сондай-ақ мониторингтік топ екі ғимаратта да қызметкерлерімен кездесіп, олардың ұсыныс-пікірлерін тыңдады.
Осы орайда, нысандарды талапқа сай күтіп ұстау, материалдық-техникалық базаны ұтымды пайдалану, тұрғындардың үйірмелермен қамтылуын арттыру – басты міндеттердің бірі болып қала береді.
Жосалы кентіндегі "Руханият орталығы" мен спорт кешенінің жұмысы осы бағытта тұрақты бақылауда болады.
