Жолаушылар тасымалы

Жолаушылар тасымалы бойынша қазіргі таңда аудан орталығы мен ауылдық округтер арасына жолаушылар тасымалдау қызметімен 10 жеке кәсіпкер айналысады. Жосалы кентінде жеке кәсіпкер Б.Қалжанова арқылы Жосалы кентішілік №1 маршрут бағыты бойынша 6 шағын автобустармен және «Достық» автобекеті арқылы кентішілік №2 бағытымен 4 автокөлікпен жолаушы тасымалдануда. 2017 жылы Төретам кентінде жеке кәсіпкер Бекмұрат Жаханов өз қаражаты есебінен жаңадан автобекет құрылысын салып, жұмысын бастады. Жобаның жалпы құны 37 млн.теңге. Ғимарат ішінде диспетчерлік пункт, асхана, дәріхана, ана мен бала бөлмесі, балаларға арналған ойын бөлмесі және ғимараттың 2,3-і қабатында қонақ үй орналастыру жоспарлануда.

Құрылыс және жөндеу жұмыстарымен қатар, елді мекендерді абаттандыру, көркейту-көгалдандыру және жарықтандыру жұмыстары бойынша да біршама жұмыстар атқарылды. 2017 жылы барлық кент және ауылдық округтерін абаттандыру және көгалдандыру жұмыстарына аудандық бюджеттен көгалдандыруға 145,5 млн.теңге, санитарияға 17,8 млн.теңге, жарық­тандыруға 37 млн.теңге бөлінді. Бөлінген қар­жы­ларға елді мекендерде абаттандыру және көркейту жұмыстары жүргізілді.