БІЗДІҢ ҚОҒАМДАҒЫ ӘДІЛЕТТІЛІК

N185 орта мектебінде "Зорлық-зомбылыққа қарсы 16 күн" іс шарасы аясында зорлық-зомбылықтың алдын алу, құқық бұзушылықтың алдын алу, оқушылардың азаматтық ұстанымын қалыптастыру, әділетті қоғам құрудағы әр адамның рөлін түсіндіру және оқушылардың этикалық-адамгершілік көзқарастарын дамыту мақсатында «Біздің қоғамдағы әділеттік» тақырыбында дөңгелек үстел ұйымдастырылды.

Іс-шараның мақсаты – оқушылардың әділеттілік туралы түсінігін кеңейту, қоғамдағы теңдік, ар-ождан, адам құқығы және адалдық ұғымдарын талқылау, сондай-ақ өз ойын ашық айту, пікірталас мәдениетін сақтау қабілетін дамыту.

Дөңгелек үстел барысында оқушылар топтық талқылауларға қатысып, әділеттілікке қатысты өмірлік мысалдарды ортаға салды. Әр топ қоғамдағы әділеттілік принциптері, құқықтық нормалар, адамгершілік құндылықтар және жеке жауапкершілік туралы пікір алмасты. Сонымен қатар, оқушыларға ар-ождан, құрмет, адалдық, теңдік сияқты ұғымдардың қоғамда үйлесімді өмір сүру үшін маңызды екендігі түсіндірілді.

Пікірталас форматында өткізілген іс-шара оқушылардың сыни ойлау дағдыларын, тыңдай білу қабілетін және өз көзқарасын дәлелдей алуын дамытуға ықпал етті. Іс-шара соңында қорытынды жасалып, әділетті қоғам қалыптастырудағы әр адамның жеке рөлі туралы пікірлер жинақталды.