qarmaqshy-tany.kz Құқық бұзушылықтың алдын алу және қоғамда зорлық зомбылыққа жол бермеу мақсатында «Қатыгездік пен зорлық-зомбылықсыз балалық шақ» және «Бала құқығы - адам құқығы» тақырыбында онкүндіктің іс-шаралары жүргізілуде.

Қармақшы ауданы бойынша білім бөлімінің ұйымдастыруымен Жосалы кенті орталығындағы №105, №26, №183, №27, №30 мектеп оқушылары арасында құқық қорғау органдарының қызметі таныстырылды.

Іс-шаралардың басты мақсаты - оқушылар мен жасөспірімдер арасында құқық бұзушылықтардың алдын алу, қоғамдағы буллингке және зорлық зомбылыққа жол бермеу болып табылады.

Іс-шара барысында 8-9 сынып оқушыларына аудандық полиция бөлімінің бір күндік жұмыс регламенті жайлы айтылып, құқық қорғау саласындағы атқарылып жатырған жұмыстар таныстырылды.