ҚҰҚЫҚТЫҚ ТӘРБИЕ – АДАЛДЫҚ ЖОЛЫ
Жуырда ауданға қарасты №199 орта мектепте «Кәмелетке толмағандар арасындағы құқықбұзушылықтың алдын алу» акциясы аясында «Болашаққа дұрыс қадам – құқықты құрметтеуден басталады» тақырыбында іс-шара өтті.
Оған аудандық прокуратураның аға прокуроры Еркін Нәбиұлы, аудандық полиция бөлімінің орынбасары, полиция майоры Оспан Қосжанұлы, аудандық ата-аналар комитетінің төрағасы Мағауия Әлиев, аудандық білім бөлімінің әдіскері Ақтолқын Каналбекқызы, ауыл әкімі Владимир Жақсылықұлы, мектептің ата-аналар комитетінің төрағасы Рахымжан Жүрсінбаев және мектептің 8-10 сынып оқушылары қатысты.
Бұл жиынның мақсаты – оқушылардың құқықтық сауаттылығын арттыру, заңды құрметтеуге шақыру, құқықбұзушылықтың алдын алу, өз құқығы мен міндетін жете түсінуге тәрбиелеу, жас ұрпақты әділеттілікке, адамгершілікке және жауапкершілікке баулу.
Іс-шара аясында мектеп оқушылары өз өнерлерін ортаға салып, ән, би, театрлық қойылым көрсетті. Мектеп психологі Г.Мұратова келген қонақтармен «Шынымды айтсам...» сергіту сәтін жүргізіп, естелік кәдесыйларын таратты. Жиын соңында мектеп директорының тәрбие ісі жөніндегі орынбасары А.Маханбетова, мектеп психологі Г.Мұратова, мектептің әлеуметтік педагогі Ә.Пшкеева сала мамандары мен мектеп оқушыларына «Құқығыңды білесің бе?» тақырыбында топтық жұмыс жүргізіп, жиынды қорытындылады.
Жаннат АЛМАБАЙҚЫЗЫ,
№199 орта мектеп директоры
