ҚҰҚЫҚ БҰЗУШЫЛЫҚТЫҢ АЛДЫН АЛУ БАҒЫТЫНДА ТҮСІНДІРМЕ ЖҰМЫСТАРЫ ЖҮРГІЗІЛДІ

Қармақшы ауданына қарасты №199 орта мектебінде Қызылорда облысының прокуратурасының №2-10-25-05806 санды хатына сәйкес "Кәмелетке толмағандар арасындағы құқық бұзушылықтың алдын алу" акциясы аясында «Болашаққа дұрыс қадам-құқықты құрметтеуден басталады» тақырыбында Қармақшы аудандық прокуратурасының, Қармақшы аудандық ішкі істер бөлімі, аудандық білім бөлімі, аудандық, мектепішілік ата-аналар комитетінің төрағалары мен ауыл әкімі және мектептің 8-10 сынып оқушыларының қатысумен шара өткізілді.

Шараға қатысқан Қармақшы аудандық прокуратурасы мен уәкілетті орган мамандары оқушылардың құқықтық сауаттылығын арттыру, құқық пен міндет ұғымдарын түсіндіру, заңды құрметтеуге тәрбиелеу, құқық бұзушылықтың алдын алу, құқықтық мәдениетті қалыптастыру, бақытты балалық шақ пен жарқын болашаққа апарар жолдың құқықты құрметтеуден басталатынын түсіндірді.