ЖЫЛУ БЕРУ МАУСЫМЫНА ДАЙЫНДЫҚ БАРЫСЫНА ЗЕРДЕЛЕУ ЖҮРГІЗІЛДІ
Партияның аудандық филиалы тарапынан қысқы кезеңге дайындық аясында Иіркөл және Дүр Оңғар ауылдарындағы бірқатар әлеуметтік нысандарға зерделеу жұмыстары жүргізілді.
Зерделеу барысында нысандардың жылыту жүйелерінің техникалық жағдайы, көмір мен отын қорының жеткіліктілігі, қауіпсіздік талаптарының сақталуы назарға алынды.
Тиісті мекеме басшыларына жылу беру маусымына толыққанды дайын болуы жөнінде түсіндірілді.
Мақсат — жылу беру маусымын уақытылы және кедергісіз өткізу, тұрғындарға қолайлы жағдай жасау.
