ӘЛЕУМЕТТІК НЫСАНДАРДЫҢ ЖЫЛУ МАУСЫМЫНА ДАЙЫНДЫҒЫ ПЫСЫҚТАЛДЫ

Бүгін "AMANAT" партиясы Байқоңыр филиалының Атқарушы хатшысы Мақсат Есбенбетов, партия филиалы жанындағы партиялық бақылау комиссиясының төрағасы Сейл Жұмадьяров, комиссия мүшелері және жауапты мамандар әлеуметтік нысандардың жылу маусымына дайындығын пысықтап, партиялық мониторинг жұмыстарын жүргізді.

Зерделеу жұмыстары барысында қазандық жабдықтарының қысқы жылыту маусымына дайындығы, қауіпсіздік техникасы талаптарының сақталуы, автоматты басқару және дабыл беру жүйелерінің жұмыс істеу қабілеті назарға алынды.

Сондай-ақ мекеме басшыларының ұсыныс-пікірлері тыңдалып, тиісті мониторинг жұмыстары тұрақты түрде жүргізілетіндігі туралы ескертілді.