ӨРТ ҚАУІПСІЗДІГІНІҢ АЛДЫН АЛУ МАҚСАТЫНДА ЗЕРДЕЛЕУ ЖҰМЫСТАРЫ ЖҮРГІЗІЛДІ

Бүгін "AMANAT" партиясы Байқоңыр филиалының Атқарушы хатшысы Мақсат Есбенбетов, партия филиалы жанындағы партиялық бақылау комиссиясының төрағасы Сейл Жұмадьяров және комиссия мүшелері жаз мезгілінде өңірдегі өрт қауіпсіздігін сақтау және алдын алу мақсатында мониторинг жұмыстарын жүргізді.

Зерделеу жұмыстары аясында комиссия мүшелері Байқоңыр қаласы №8 өрт сөндіру мекемесінің материалдық- техникалық жабдықталуымен танысты.

Сондай-ақ жұмысты жетілдіру бойынша мекеме басшысы Ерлан Жолдасбаев пен ұжым қызметкерлерінің ұсыныс-пікірлері тыңдалды.

Мониторинг барысында айтылған ұсыныс-пікірлері назарға алынып, алдағы уақытта комиссия отырысында қаралатын болады.