МОНИТОРИНГТІК ТОП МҮШЕЛЕРІ АУРУХАНАНЫҢ ЖҰМЫСЫМЕН ТАНЫСТЫ
Бүгін "AMANAT" партиясы Байқоңыр филиалының Атқарушы хатшысы Мақсат Есбенбетов, партия филиалы жанындағы партиялық бақылау комиссиясының төрағасы Сейл Жұмадьяров және комиссия мүшелері Байқоңыр қалалық көпбейінді ауруханасының жұмысына мониторинг жүргізді.
Көпбейінді аурухана амбулаториялық-емханалық, оның ішінде консультациялық-диагностикалық, стационарлық, стационарды алмастыратын, жедел медициналық көмек, қалпына келтіру емі және медициналық оңалту қызметтерін көрсетеді. Сондай-ақ, аурухана жанында гемодиализ (қандытазарту) орталығы ашылды.
Зерделеу жұмыстары барысында мониторингтік топ мүшелері аурухананың материалдық-техникалық базасымен танысып, сала қызметкерлерінің ұсыныс-пікірлерін тыңдады.
Бүгінгі жүргізілген мониторинг жұмыстарының қорытындысы бойынша партия филиалы жанындағы партиялық бақылау комиссиясы отырысының өткізілуі жоспарлануда.
