Мәжіліс депутаты аурухананың жұмысымен танысты
ҚР Парламенті Мәжілісіндегі "AMANAT" партиясы фракциясының мүшесі Мұрат Әбенов Байқоңыр қалалық көпбейінді ауруханасының жұмысымен танысып, медицина қызметкерлерімен кездесті.
Көпбейінді аурухана амбулаториялық - емханалық, оның ішінде консультациялық-диагностикалық, стационарлық, стационарды алмастыратын, жедел медициналық көмек, қалпына келтіру емі және медициналық оңалту қызметтерін көрсетеді. Аурухана жанында гемодиализ (қандытазарту) орталығы ашылды.
Халық қалаулысы аурухананың материалдық-техникалық базасымен танысып, сала қызметкерлерімен жүздесіп олардың ұсыныс-пікірлерін тыңдады.
Сонымен бірге, Мәжіліс депутаты елдің болашағы – халқының саулығына байланысты екенін жеткізе отырып, ауруханадағы әрбір ем алушыға қолайлы жағдай жасауға ерекше мән беруге басты назар аударды.
Кездесуді қорытындылай келе, Мұрат Әбенов ақ халатты абзал жандардың қоғамдағы маңызын айта отырып, жұмыстарына сәттілік тіледі.
