Аудан әкімі Әділбек Бөрібайұлы аудандағы басты әлеуметтік нысандардың бірі – аудандық орталық аурухананың жұмысымен танысты.
Биылғы жылы аудандық орталық аурухана мен емхананың жылу қазандығын реконструкциялау жобасына «Ауыл – Ел бесігі» бағдарламасы аясында 65144,3 мың теңге қаржы бөлініп, мердігер мекеме анықталып, жұмыстар басталуда.
Аудандық аурухананың бас дәрігері Бақытжан Нысанбаев қазіргі жылу жүйесінің жағдайымен таныстырып, жоба аясында бөлінген қаржыдан бөлек, кәсіпорын қаражаты есебінен аудандық емхананың жылу қазандықтарын сұйық отыннан газға ауыстыру жұмыстары атқарылып, алдағы жылу беру маусымына дейін аяқталатынын жеткізді.
Аудан басшысы бас дәрігерге елдің болашағы – халқының саулығына байланысты екенін жеткізе отырып, ауруханадағы әрбір ем алушыға қолайлы жағдай жасауға ерекше мән беруді тапсырды.