Партияның сайлауалды бағдарламасы аясында жүргізіліп жатқан жұмыстарға мониторинг жүргізілді
"AMANAT" партиясы Байқоңыр филиалының Атқарушы хатшысы Мақсат Есбенбетов, партия филиалы жанындағы Партиялық бақылау комиссиясының төрағасы Сейл Жұмадьяров және комиссия мүшелері партияның Сайлауалды бағдарламасы аясында Байқоңыр қаласында жүргізіліп жатқан сумен жабдықтау және су бұру желілерін қайта жаңарту жұмыстарымен танысты.
Қазіргі таңда, тиісті жұмыстар Байқоңыр қаласының Максимова мен Комарова көшелерінің қиылысында жүргізілуде.
Жоба бойынша 94,6 шақырым су құбыры желілері, 84,6 шақырым кәріз желілері жаңғыртылатын болады. Мердігер: "Мелиоратор" ЖШС. Техникалық қадағалаушы: "КЦУП" ЖШС.
Зерделеу жұмыстары барысында партия филиалының Атқарушы хатшысы ел игілігіне бағытталған жұмыстардың ең бірінші кезекте сапалы болуы қажеттігін айтып, партия филиалы жанындағы Партиялық бақылау комиссиясы тарапынан мониторинг жұмыстары апта сайын жүргізілетіндігін жеткізді.
