АТА-АНАЛАР МЕН 8-10 СЫНЫПТЫҢ ҚЫЗ БАЛАЛАРЫНА АҒАРТУШЫЛЫҚ БАҒЫТТАҒЫ АҚПАРАТТЫҚ ТҮСІНДІРМЕ ЖҰМЫСЫ ЖҮРГІЗІЛДІ

Білім бөліміне қарасты Е.Көшербаев атындағы №279 мектеп-лицейінде 14 мамыр күні Байқоңыр, Төретам, Ақай елді-маекендеріндегі №80, №99, №269, №279, №272, №273, №274, №275, №277 мектептердің ата-аналары мен 8-10 сыныптың қыз балаларына "Кәмелетке толмағандар арасында зорлық-зомбылықтың, құқық бұзушылықтың, репродуктивті денсаулықтың алдын алу" тақырыбында ағартушылық бағытта ата-аналарға ақпараттық түсіндірме жұмысы жүргізілді.

Облыстық психологиялық орталықтың психологы Ж.Бисенова, Қармақшы аудандық аурухананың психологы А.Кетебаева, Байқоңыр қаласы ІІБ-нің учаскелік инспекторы, полиция капитаны О.Маралұлы қатысты.

Мамандар ата-аналарға мінез-құлық өзгерістері, жыныстық сауаттылық т.б жөнінде маңызды ақпаратпен бөлісті.

Қандай қиындық, мәселе туындаған кезде облыстық қолдау орталығының 8-800-080-64-90 сенім телефонына хабарласып, көмек алуға болатындығын түсіндірді.