qarmaqshy-tany.kz Бүгін Академик С.А.Джиенкулов атындағы Байқоңыр жоғары колледжінде облыстық білім басқармасы, облыс әкімдігі, облыстық прокуратура, облыстық полиция департаментімен бекітілген жұмыс жоспарына сәйкес құқық бұзушылықтың алдын алу туралы түсіндірме жұмыстары жүргізілді.

Аталған түсіндірме жұмыстарын жүргізуге Байқоңыр қалалық прокуратурасының прокуроры Е.Тойшыбайұлы, ҚР ІІМ Байқоңыр қаласындағы өкілдігінің кәмелетке толмағандар істері жөніндегі полиция инспекторы М.Мурзагалиева, Байқоңыр қаласы көпбейінді ауруханасының психологы А.Кенжалиева, "Жастар ресурстық орталығы" КММ Байқоңыр қалалық бөлімінің инспектор маманы А.Елдизерова қатысып, өздерінің ақыл-кеңестерін айтып және жасөспірімдер арасындағы құқық бұзушылықтың алдын алу туралы маңызды ақпараттармен бөлісті.

Сонымен қатар, С.А.Джиенкулов атындағы Байқоңыр жоғары колледждің 1-2 курс студенттері қатысып тиісті сұрақ-жауаптарын қойып, айтылған кеңестерге өздерінің ұсыныстарын қосты.

Түсіндірме жұмыстарын жүргізудегі басты мақсаты кәмелетке толмағандар яғни, жасөспірімдер арасындағы құқық бұзушылықтың алдын алу.