Түсіндірме жұмыстары жүргізілді
Жастар арасында құқық бұзушылықтың алдын алу, Интернет қауіпсіздігінің алдын алу және ерте жүктілік пен суицидтің алдын алу мақсатында сала мамандарымен бірлесе отырып "Тәртіпке бағынған құл болмайды" тақырыбында профилактикалық кездесу Төретам кентінде орналасқан №269, №85 орта мектебінің 8-10 сынып оқушы балаларының қатысуымен өткізілді.
Шараға "Жастар ресурстық орталығы" Байқоңыр қалалық бөлімінің кеңесшісі А.Ердаулетов және сала мамандары Байқоңыр қалалық көпбейінді ауруханасының ЗОЖ дәрігері Г.Өтегенова, ҚР ІІМ Байқоңыр қаласындағы өкілдігінің әкімшілік полиция бөлімінің кәмелет жасқа толмаған жасөспірім істері жөніндегі учаскелік полиция инспекторы М.Мурзагалиева және Байқоңыр қалалық білім беруді дамыту секторының әдіскері А.Есенгельдинова тақырып аясында тың ақпараттармен бөлісіп және танымдық видеоролик көрсетілді. Шара соңында мектеп оқушылары сала мамандарына көкейлерінде жүрген сұрақтар қойып еркін пікір алмасты.
