Қазақпын деп кең әлемге мақтанам

Қазақпын деп кең әлемге мақтанам,

«Соғыс» салқын естіледі құлаққа.

Соғыс жайлы ән де айттық жылап та,

Біз соғысты көрген жоқпыз дегенмен,

Сол қайғыны ұмытпадық бірақ та.

Ұмытпадық, ұмытпаймыз сендерді,

Ұмытпадық қан төгілген жерлерді.

Ұмытпадық, ұмытуға хақым жоқ.

Ет жүрегі «елім» деген ерлерді.

Сол ерлерім елге қиған жанын да,

Беріктік бар намыс, жігер, арында.

«Алаш» деумен атқа қонған қазақтың,

Қайсар мінез бар ғой ата қанында.

Қасиетті, қайсар қазақ бірімін.

Мен құрбаны атадәстүр, тілімнің.

Алатаудай асқар ұлы халқымның,

Бауыржандай мен батырдың қызымын.

Қазақпын мен, дауыл болып борадым,

Сен фашисті ажал оққа орадым.

Рейхстаргқа туын тіккен Жеңістің,

Рахымжанның қарындасы боламын.

Батыр, батыл қазағымның ұлқызы,

Маңдайына біткен жарық жұлдызы.

Гүлдей нәзік жанын қиған халқы үшін,

Әлия мен Мәншүктің мен сіңлісі.

Батырларым ел үмітін ақтаған,

Болашаққа нық сеніммен аттанам,

Дәл осындай асылдардың ұрпағы,

«Қазақпын» деп кең әлемге мақтанам!