МЕРЕКЕ АЯСЫНДАҒЫ КЕЛЕЛІ ЖҰМЫС
Халықаралық «Қазақ тілі» қоғамы аудандық филиалының ұйымдастыруымен Наурыз мерекесінде аудандық филиалда қабылдау өткізілді. Сондай-ақ бірқатар бас- тауыш ұйымдарға барып, ана тіліміздің мәртебесін көтеруде атқарылып жатқан жұмыстарымен танысты.
Ана тілді қолдау мен дамытуда білім беру ұйымдарымен бірлесе жұмыс жасалынып келеді. Белсенді ұйымдардың бұл бағыттағы жұмысы көпке үлгі боларлық.
Осы орайда Төретам кенті мен Ақай ауылындағы мектептердегі ұлттық киім үлгісінде киінген ұстаздар мен оқушылар көпшілікті тәнті етті. Мектеп ұжымының мемлекеттік тілді құрметтеу, сыйлау, ана тілін қастерлеу, сезімдерін қалыптастыру бағытындағы жұмыстары келелі жобалар аясында өрістеуде. «Еңбегі адал жас өрен», «Ұлттық құндылық – ұрпаққа мұра» жо- балары ұлттық қолөнерге, кәсіпкерлікке баулумен қатар мәдениетті де дәріптеуге, шығармашылықтарын дамытуға баулуда. Ұлттық дәстүрімізді жаңғыртып, адал еңбек пен тіліміздің мәртебесін дәріптеген ұстаздарымыздың еңбегі қашанда құрметке лайық.
Гүлнар БИСЕНҚҰЛОВА,
аудандық «Қазақ тілі» қоғамының қызметкері
