МӘСЛИХАТ СЕССИЯСЫНДА ӨЗЕКТІ МӘСЕЛЕ ҚАРАЛДЫ

VIII шақырылымдағы аудандық мәслихаттың кезекті 29-сессиясы осы жылғы 28 наурыз күні Жосалы кенті әкімі аппаратының мәжіліс залында өтті.

Сессияға аудан әкімінің орынбасары, кенттер мен ауылдық округтердің әкімі, мекеме басшылары және жергілікті БАҚ өкілдері қатысты.

Сессияның күн тәртібінде 6 мәселе қаралды. Олар – «Ауданда жер ресурстарын пайдаланудың жайы және оны жақсарту шаралары туралы», Қармақшы аудандық мәслихатының 2022 жылғы 23 ақпандағы №138 «Кәмелетке толмағандардың ісі және олардың құқықтарын қорғау жөніндегі комиссия құрамын бекіту туралы» шешіміне өзгерістер енгізу туралы, Қармақшы аудандық мәслихатының 2018 жылғы 30 наурыздағы №160 «Қармақшы ауданы әкімдігі жанындағы құқықбұзушылық профилактикасы жөніндегі ведомствоаралық комиссия құрамын бекіту туралы» шешіміне өзгеріс енгізу туралы, Қармақшы аудандық мәслихатының 2018 жылғы 30 наурыздағы №161 «Қармақшы ауданы әкімдігі жанындағы сыбайлас жемқорлыққа қарсы іс-қимыл жөніндегі ведомствоаралық комиссия құрамын бекіту туралы» шешіміне өзгеріс енгізу туралы, Қармақшы аудандық мәслихатының 2023 жылғы 27 желтоқсандағы №123 «Қармақшы аудандық учаскелік сайлау комиссияларының құрамын сайлау туралы» шешіміне өзгеріс енгізу туралы және Қармақшы аудандық мәслихат төрағасының есебі туралы.

Сессияның күн тәртібіндегі мәселелер бойынша аудандық мәслихаттың тиісті шешімдері қабылданды.

Сессия алдында тұрақты комиссиялардың бірлескен отырысы өткізілді.