КӨКТЕМГІ СУ ТАСҚЫНЫНЫҢ АЛДЫН АЛУ ШАРАЛАРЫ БАСТЫ НАЗАРДА
Аудан әкімі Жандос Еркінбек су тасқыны қаупінің алдын алу мақсатында Қараөзек арнасы мен Сырдария өзенінің түйісетін тұсындағы оң жаға қорғаныс бөгетінің жай-күйімен танысты.
Мониторинг барысында «Сарыөзек» көлі мен «Шошқакөл» учаскесіндегі өзен деңгейі зерделеніп, судың қозғалысы мен ықтимал қауіптері талқыланды. Сонымен қатар, «Қорқыт» станциясы мен Белтақыр учаскесіндегі қорғаныс бөгеттерінің беріктігі тексеріліп, қажетті алдын алу шаралары пысықталды.
Аймақтағы су тасқыны қаупін болдырмау бағытындағы жұмыстар тұрақты бақылауда болады.
