Мектептерге мониторинг жұмыстары жүргізілді
Қармақшы ауданы аумағында Қазақстан Республикасы Су ресурстары және ирригация министрлігінің Су ресурстарын реттеу, қорғау және пайдалану комитетінің төрағасы С.Нұрымбетов, Қызылорда облысының Арал-Сырдария бассейндік инспекциясының басшысы З.Қазтоғанов, «Қазсушар» РМК Қызылорда филиалының директоры Р.Ахметов және аудан әкімі Ж.Еркінбек Қызылтам елді мекені маңындағы «Тұрабай» өзегіне мониторинг жұмыстарын жүргізді.
Мониторинг барысында Қараөзек арнасы арқылы «Қожатай су тоспасы» мен «Жұмағұл» каналы арқылы «Қаракөл» көліне су жеткізу жұмыстарының барысымен танысты. Сондай-ақ, осы су көздері арқылы жайылымдық, шабындық алқаптар мен көлдер жүйесіне судың тиімді жеткізілуіне қатысты атқарылып жатқан шаралар қарастырылды.
Көктемгі су тасқыны кезеңінде су ресурстарын басқару бойынша тиісті сала мамандарына нақты тапсырмалар берілді. Атап айтқанда, қауіпті аймақтарда күнделікті мониторинг жүргізу және бақылауды күшейту міндеттелді.
