ЭКОНОМИКАЛЫҚ ӨСІМ – ЕЛ ИГІЛІГІ
Облыс әкімі Нұрлыбек Нәлібаевтың төрағалығымен авиация саласын дамыту және цифрландыру мәселелері бойынша мәжіліс өтті. Жиынға аудан әкімі Жандос Еркінбек селекторлық режим арқылы қатысты.
Облыстық мәжілістен кейін аудан әкімі осы мәселелер бойынша арнайы жиын өткізіп, бірқатар өзекті мәселелер қарастырылды. Оның ішінде бюджеттің тиімділігін арттыру және салық базасын ұлғайту бағытындағы жұмыстарға ерекше назар аударылды.
Сонымен қатар, аудан басшысы кент және ауылдық округ әкімдері мен сала басшыларына Мемлекет басшысының, Үкіметтің және облыс әкімінің тапсырмаларын сапалы әрі мерзімінде орындау қажеттігін қатаң тапсырды.
Жиын барысында ауданның қарқынды дамуы үшін барлық салада жүйелі әрі нәтижелі жұмыстар жүргізу қажеттігін баса айтты.
Жиын қорытындысында аудан әкімі жауапты тұлғаларға нақты тапсырмалар беріп, экономикалық өсімді қамтамасыз етуге бағытталған шараларды күшейтуді міндеттеді.
