Бүгін облыс әкімі Нұрлыбек Машбекұлының төрағалығымен өткен жиыннан кейін аудан әкімінің қатысуымен тұрақты кеңес мәжілісі өтті.

Мәжілісте аудан басшысы Жандос Еркінбек алдымен кадрлық өзгерістерге тоқталып, жаңадан сайланған Тәйімбет Көмекбаев ауылдық округінің әкімін таныстырды.

– 2024 жылдың 15 қыркүйек күні Тәйімбет Көмекбаев ауылдық округі әкімінің сайлауы қорытындысы нәтижесімен Көмекбаев ауылдық округінің әкімі қызметіне Нысанбаев Ғарышбек Бауыржанұлы сайланды. Ғарышбек Бауыржанұлының Үкіметтің алдымызға қойған міндеттері мен тапсырмаларын сапалы орындап, тұрғындардың әл-ауқатын арттыруға, ауыл тұрғындарының ауыз біршілігін нығайту, ауылды одан әрі дамытуға, көркейтуге аянбай жұмыс жасайтынына сенемін, – деді аудан әкімі.

Сонымен қатар, осы уақытқа дейін Тәйімбет Көмекбаев ауылдық округ әкімі қызметін абыройлы атқарып келген Н. Ахметовке ауданымыздың әлеуметтік-экономикалық дамуына қосқан үлесі үшін ризашылығын білдіріп, ауданымыздың ең жоғарғы наградасы Құрмет грамотасын табыстады.

Одан кейін, жиында ауданда сұйытылған мұнай газының қоры және бөлшек саудадағы бағасы туралы және мемлекеттік шығармашылық тапсырыстардың орындалу барысы, сонымен қатар «Ауыл АМАНАТЫ» жобасының іске асырылуы бойынша мәселелер талқыланды.

Жиын соңында аудан әкімі талқыланған мәселелер бойынша тиісті сала басшылары мен кент, ауылдық округ әкімдеріне нақты тапсырмалар беріп, олардың орындалу барысын бақылауда ұстауды тапсырды.