Имандылық сағаты

«Бүгінгі қыз – ертеңгі ана» атты имандылық сағаты өткізілді. Мақсаты: Оқырмандарға қоғамдағы қыз бала құндылықтарының маңызын, ұлттық рухымыз отбасынан басталатынын, рухани – моральдық құндылықтарымызды ата-анадан, туған-туыстан алатынын ұғындыра отырып, қыз балалар тәрбиесі туралы әдебиеттерді насихаттау.

Отбасында қыз балаға тәрбие берудің қалыптасуы мен дамуы халықтың сан ғасырлық тарихымен, тыныс-тіршілігімен, тұрмыс-салтымен тығыз байланысты. Қазақ қауымында ұрпақ тәрбиесі, оның ішінде қыз баланы тәрбиелеу, негізінен, отбасында жүзеге асырылған, Ана - барлық өмірдің бастауы, сондықтан ертеңгі ана, бүгінгі қыздарымызды тәрбиелеу ананың және барша қауымның міндеті, - деп кітапханашы А.Құлбаева оқырман қауымға кең көлемде мағлұматтар берді. Шара соңында «Қыз тәрбиесі – ұлт тәрбиесі» кітап көрмесімен оқырман қауым танысты.