Аудандық кітапханада "Кітапхана - білімнің көзі, кітапханашы - оның тірегі" атты жылды қорытындылауға арналған мерекелік кеш өткізілді. Биылғы жылы кітапханаларымыз еліміздегі жағдайға байланысты оқырмандарға онлайн форматта қызмет көрсетті. Барлық кітапханалар заман өзгерісіне бейімделіп жұмыс жасады. Бүгінгі мерекелік кештің мақсаты - көпшілік жұмыстың жаңа формалары мен әдістерін енгізуге ықпал ету, кітапханашылардың мәртебесін көтеру. Кітапханашы мамандығын таңдаған, өзі қалаған мамандығына құрмет пен сүйіспеншілікпен қарап, білімдерін жетілдіріп, заманауи технологияны да меңгеріп, жас ұрпақ тәрбиесі мен кітап оқуға деген қабілетті дамытуда кітапханашылардың еңбегі зор. Рухани қазынамызды насихаттап жүрген еңбектері бағаланып, кітапханаларымыз әр түрлі номинациялармен марапатталды.