Тірек мектептердің әлеуетін дамыту

"Zoom" платформасы арқылы "Ауылдық жерлердегі тірек мектептердің әлеуетін дамыту" атты республикалық педагогтардың онлайн тәжірибе алмасу алаңы болып өтті. Шараның басты мақсаты – ауылдық мектептердің білім беру сапасын арттыру, мұғалімдердің кәсіби дамуын қолдау және олардың үздік әдістемелік тәжірибелерін тарату болды.

Онлайн алаңға еліміздің әр аймағынан үздік педагогтар қатысып, өздерінің ең тиімді сабақ жоспарлары мен оқыту әдістерін таныстырды. Әрбір қатысушы өз тәжірибесімен бөлісіп, оқушылардың білім алуын жақсартуға арналған заманауи тәсілдер мен әдістерді талқылады.

Мұндай іс-шаралар ауылдық мектептер мен қалалық мектептер арасындағы білім сапасындағы алшақтықты азайтуға, мұғалімдер арасындағы ынтымақтастықты нығайтуға және педагогикалық шеберлік деңгейін арттыруға бағытталған.

Бұл алаң – тек білім алмасу ғана емес, сондай-ақ мұғалімдердің бір-біріне қолдау көрсетіп, жаңа идеялармен шабыттанатын ортаға айналды.