Нашақорлық – үлкен қасірет: өзіңді сақта

Құрметті достар!
Нашақорлық – адам денсаулығы мен өміріне, отбасы мен қоғамға орны толмас зиян әкелетін үлкен дерт. Есірткіге тәуелділік тек денсаулықты құртып қана қоймай, адамды рухани аздырып, ертеңгі күнге деген сенімінен айырады.
Есірткіге "жоқ" деп айту – тек өзіңді ғана емес, жақындарыңды да қорғау деген сөз. Денсаулық – адамға берілген ең қымбат байлық. Оның қадірін білу, салауатты өмір салтын ұстану – өзіңе деген құрмет.
Есіңізде болсын:
Бір рет қолданып көрудің өзі қауіпті;
Есірткі – болашағыңды ұрлайды;
Өз проблемаларыңыздан қашу – шешім емес.
Егер қиын жағдайға тап болсаңыз, әрқашан көмекке жүгінуден ұялмаңыз. Қасыңызда қолдайтын адамдар мен арнайы мамандар бар екенін ұмытпаңыз.
Өз өміріңді таңда, болашағыңа жауапкершілікпен қара. Сенің таңдауың – сенің болашағың!