Біз жарқын болашақты қалаймыз
«Нашақорлыққа жол жоқ» жобасының қорытындысы ретінде «Біз жарқын болашақты қалаймыз» атты аудандық форум өтті. Шараға аудан әкімінің орынбасары Самат Қыдырбекұлы, аудан прокуроры Мейрамбек Махамбетжанов, кент, ауылдық округ әкімдері, бөлім басшылары, білім саласының қызметкерлері қатысты.
Жиында аудан прокуроры Мейрамбек Жаңбырбайұлы сөз сөйлеп, «Нашақорлыққа жол жоқ» айлығы аясында аудан көлемінде жүзеге асырылған жұмыстарға тоқталып, есірткіге қарсы күресте қоғамның әр мүшесінің үлесі маңызды екенін айтып, әсіресе өскелең ұрпақтың жарқын болашағы үшін бұл күрестің стратегиялық маңыздылығын ерекше атап өтті.
Одан кейін бір айлық акцияның сапалы ұйымдастырылуына атсалысқан сала мамандары мен өткізілген мәдени-спорттық сайыстардың жеңімпаздары марапатталды.
Жиын соңында аудан әкімінің орынбасары «Нашақорлыққа және есірткі бизнесіне қарсы күрестің 2023-2025 жылдарға арналған кешенді жоспарда белгіленген шараларды кент, ауылдық округтерде кеңінен жүргізуге және оған қоғамның әрбір мүшесін тарта отырып, халық арасында қылмыстылыққа қарсы иммунитет қалыптастыруға, ауданымызда нашақорлық көріністерін түбегейлі жоюға шақырды.
