Мемлекеттік сатып алуға байланысты семинар-кеңес өтті
Аудандық жыраулар үйінде облыстық мемлекеттік сатып алу басқармасы мен Ішкі мемлекеттік аудит департаментінің мамандарының қатысуымен мемлекеттік сатып алуға арналған семинар-кеңес өткізілді.
Семинарға мекеме, бөлім, дербес бөлім басшылары мен кент, ауылдық округ әкімдері, мемлекеттік сатып алу жұмыстарымен айналысатын мамандар және есепшілер қатысты.
Семинар барысында мемлекеттік сатып алу заңнамаларына енгізіліп жатқан өзгерістер мен мемлекеттік сатып алу заңдылықтарының сақталуы мен бұзушылықтарды алдын алу туралы түсіндірме жұмыстары жүргізілді.
Сонымен қатар, семинарға қатысушылар тиісті сала мамандарына өздерін толғандырған сұрақтарын қойып, пікір алмасты.
