Маңызды мәселелер талқыланды
Жақында Жосалы кенті әкімі аппаратының мәжіліс залында аудандық Қоғамдық кеңес төрағасы Ә.Құлдүйсеновтің төрағалығымен кеңес отырысы өтті. Оған аудандық мәслихаттың төрағасы Ә.Қошалақов, аудан әкімінің орынбасары С.Смағұлов қоғамдық кеңес мүшелері, аудандық жұмыспен қамту және әлеуметтік бағдарламалар бөлімінің басшысы Р.Әбдіқасов, үкіметтік емес ұйымдар жетекшілері, бұқаралық ақпарат құралдарының өкілдері қатысты.
Күн тәртібінде 3 мәселе қаралды. Атап айтқанда, бірінші мәселе бойынша «Қызылорда облысы Қармақшы аудандық мәслихатының 2023 жылғы 25 желтоқсандағы No105 «2024-2026 жылдарға арналған аудандық бюджет туралы» шешіміне өзгерістер енгізу туралы» Қармақшы аудандық мәслихатының шешім жобасы жайлы аудандық экономика және қаржы бөлімінің басшысы Ж.Ниматулланың, екінші және үшінші мәселе бойынша аудандық жұмыспен қамту және әлеуметтік бағдарламалар бөлімінің «Қармақшы аудандық отбасын қолдау орталығына ғимарат сатып алу туралы» ұсынысы жайлы, сондай-ақ «Қармақшы ауданында тұрғын үй көмегін көрсету мөлшері мен тәртібін айқындау туралы» Қармақшы аудандық мәслихатының шешім жобасы жайлы аудандық жұмыспен қамту және әлеуметтік бағдарламалар бөлімінің басшысы Р.Әбдіқасовтың хабарламалары тыңдалды.
Кеңес отырысында «Қызылорда облысы Қармақшы аудандық мәслихатының 2023 жылғы 25 желтоқсандағы No105 «2024-2026 жылдарға арналған аудандық бюджет туралы» шешіміне өзгерістер енгізу туралы» және «Қармақшы ауданында тұрғын үй көмегін көрсету мөлшері мен тәртібін айқындау туралы» Қармақшы аудандық мәслихатының шешім жобалары мақұлданып, келісім берілді.
Аудандық жұмыспен қамту және әлеуметтік бағдарламалар бөлімінің «Аудандық отбасын қолдау орталығына ғимарат сатып алу туралы» ұсынысы жан-жақты зерттеу жұмыстарын жүргізуді қажет етуіне байланысты қоғамдық кеңес отырысында қайта қаралатын болды.
Аудандық Қоғамдық кеңес
